काठमाडौं । नेपाल स्टक एक्सचेन्ज (नेप्से)को वेबसाइटमा आज शेयर बजार खुलेको छैन।
वेबसाइटमा शेयर बजार नखुल्दा लगानीकर्ताहरु हैरानमा परेका छन्। यो समाचार तयार पार्दासम्म ब्रोकरको अफिसमा नगई घर वा कार्यालयबाट शेयर बजार हेर्ने लगानीकर्ताले शेयर बजारको चाल आज हेर्न पाइरहेका छ्रैनन्।
नेप्सेका प्रवक्ता मुराहरी पराजुलीले डाटाहरु अपडेट नहुँदा आज नेप्सेको वेबसाइटमा शेयर बजार नखुलेको बताए। ‘प्राविधिक साथीहरुले डाटा अपडेट गर्ने काम गरिरहनुभएको छ’, उनले भने, ‘छिट्टै वेबसाइटमा बजार खुल्छ।’
ब्रोकर हाउसहरुको स्क्रिनमा भनेर बजार खुलेको छ। टीएमएसमा नेप्से चलिरहेको छ। टीएमएसबाटै कनेक्सन गर्ने भएर ब्रोकर हाउसहरुमा नेप्से चलेको हो।
हाल नेप्सेको वेबसाइटमा मर्मत कार्य भइरहेको वेबसाइट पनि बन्द गरिएको छ।
