काठमाडौं । शेयर बजारमा दुई वर्षयताकै न्यून कारोबार भएको छ।
राष्ट्रिय स्वतन्त्र पार्टी (रास्वपा)को एकल सरकार सम्पत्ति शुद्धीकरण निवारणका लागि एक्सनमा जाँदा शेयर लगानीकर्तामा त्रास सिर्जना भएको छ। रास्वपाको सरकार बनेपछि शेयर बजारले फड्को मार्ने बजार विश्लेषकहरुको अनुमान फेल खाएको छ।
पछिल्लो शेयर बजारमा कारोबार दैनिकजसो घटिरहेको छ। आज बजारमा २ अर्ब ९३ करोड रुपैयाँको कारोबार भएको छ। जुन ६७५ दिन (लगभग दुई वर्ष)यताकै न्यून हो।
बजारमा आज विभिन्न कम्पनीका ६६ लाख ८४ हजार कित्ता शेयर किनेबच भएको छ। नेप्से परिसूचक आज ६.९४ अंकले बढेर २७१८.१६ विन्दुमा उक्लिएको छ।
