काठमाडौं । भारतको हवाई आक्रमणपछि पाकिस्तानमा डरको वातावरण सिर्जना छ। जसका कारण पाकिस्तानको आकाशमा ठूलो सन्नाटा छाएको छ। स्याटेलाइट तस्बिरहरुमा पाकिस्तानको हवाई क्षेत्र पूर्ण रूपमा खाली छ र त्यहाँ एउटा पनि विमान देखिँदैन भन्ने कुरा स्पष्ट देखिन्छ।
पाकिस्तानको स्थानीय मिडियाका अनुसार भारतको हवाई आक्रमणपछि पाकिस्तानले बुधबार बिहान धेरै प्रमुख विमानस्थलहरुमा उच्च सुरक्षा सतर्कता लागू गर्यो र सबै उडान रद्द गर्यो। पाकिस्तानले कराँचीको जिन्नाह अन्तर्राष्ट्रिय विमानस्थलबाट हुने सबै आन्तरिक र अन्तर्राष्ट्रिय उडान पनि रद्द गरेको छ।
पहलगाम आक्रमणपछि सम्भावित भारतीय आक्रमणको डरले हवाई आक्रमण अघि पनि अन्तर्राष्ट्रिय उडान पाकिस्तानी हवाई क्षेत्रबाट बचिरहेका थिए र अब भारतको हवाई आक्रमणपछि पाकिस्तानी हवाई क्षेत्रमा एउटा पनि विमान देखिँदैन।
अप्रिल २२ मा पहलगामको बैसरन उपत्यकामा पाकिस्तान प्रायोजित आतंकवादी हमलाको जबाफमा भारतले पाकिस्तानमा हवाई आक्रमण गरेको छ। मंगलबार–बुधबारको मध्यरातमा तीन भारतीय सेनाको संयुक्त मिसन ‘अपरेसन सिन्दुर’ अन्तर्गत पाकिस्तानमा ४ आतंकवादी लुक्ने ठाउँ र पाकिस्तान प्रशासित कश्मीरमा ५ आतंकवादी लुक्ने ठाउँलाई निशाना बनाइएको थियो। यस आक्रमणमा बहावलपुर, मुरिदके, गुलपुर, कोटली, मुजफ्फराबाद र अन्य स्थानमा अवस्थित आतंकवादी संगठन जैश र लश्करका लुकेका ठाउँहरुलाई निसाना बनाइएको थियो।
रिपोर्टका अनुसार भारतको हवाई आक्रमणमा ९० आतंककारी मारिएका छन्। हवाई हमलाका बारेमा भारत सरकारले भन्यो, ‘यस अपरेसनमा पाकिस्तान र कश्मीरमा रहेको आतंकवादी पूर्वाधारलाई लक्षित गरिएको थियो। जहाँबाट भारतमा आतंकवादी हमलाको योजना बनाइएको थियो।’
भारत र पाकिस्तानबीच बढ्दो तनावमा पाकिस्तानको मित्र मानिने चीनको प्रतिक्रिया पनि बाहिर आएको छ। चिनियाँ विदेश मन्त्रालयका प्रवक्ताले चीनले भारतको कार्यलाई खेदजनक ठानेको बतएका छन्। प्रवक्ताले भने, ‘हामी वर्तमान अवस्थाप्रति चिन्तित छौं।’
भारत र पाकिस्तान सधैँ एक–अर्काको छिमेकी रहेका छन् र रहनेछन्। दुवै देश चीनका छिमेकी पनि हुन्। ‘चीनले सबै प्रकारका तंकवादको विरोध गर्दछ’, ती प्रवक्ताले भने, ‘हामी दुवै पक्षलाई शान्ति र स्थायित्वको हितमा काम गर्न, शान्त रहन, संयम अपनाउन र त्यस्ता कार्य नगर्न आग्रह गर्दछौँ।’
