काठमाडौं । नेपाल धितोपत्र बोर्डले दुईवटा म्युचुअल फन्डलाई निष्कासन अनुमति दिएको छ।
धितोपत्र बोर्डले ‘एलएस होराइजन १२ र सिद्धार्थ इक्विटी फन्डलाई २ लाई निष्कासन अनुमति दिएको हो। अब यी दुवै योजनाका इकाइहरु सर्वसाधराणका लागि खुला गरिनेछ।
कोष प्रवर्द्धक लक्ष्मी सनराइज बैंक र योजना व्यवस्थापक लक्ष्मी सनराइज क्यापिटल रहेको एलएस होराइजन फन्ड १२ ले १ अर्ब २० करोड रुपैयाँबराबरको इकाइ निष्कासन अनुमति पाएको छ। अब यो योजनाका १० रुपैयाँ अंकित दरका कुल १२ करोड इकाइ जारी गरिनेछ।
यसैगरी सिद्धार्थ बैंक कोष प्रवर्द्धक र सिद्धार्थ क्यापिटल योजना व्यवस्थापक रहेको सिद्धार्थ इक्विटी फन्ड २ का १ अर्ब रुपैयाँबराबरको इकाइ निष्कासन अनुमति पाएको छ। अब यो योजनाको १० रुपैयाँ अंकित दरका कुल १० करोड इकाइन जारी गरिनेछ।
यी दुवै योजना बन्दमुखी हुन्।
