काठमाडौं । नेपाली क्रिकेट टिमका कप्तान सन्दीप लामिछानेले रसुवा बाढीबाट प्रभावितका लागि एक महिनाको तलब प्रधानमन्त्री दैवीप्रकोप उद्धार कोषमा सहयोग गर्ने घोषणा गरेका छन्।
आफ्नो फेसबुक पेसबाट कप्तान लामिछानेले क्रिकेट एसोसिएसन अफ नेपाल (क्यान)बाट प्राप्त हुने एक महिनाको पारिश्रमिक उद्धार कोषमा जम्मा गर्ने घोषणा गरेका हुन्। हाल लामिछाने नेतृत्वका टोली एसीसी प्रिमियर कप खेल्न मलेसियामा रहेको छ।
यस विषम परिस्थितिमा बाढी प्रभावित नागरिकप्रति गहिरो सहानुभूति व्यक्त गर्दै लामिछाने प्रतियोगिताभर नेपालको प्रदर्शनलाई प्रभावित नेपालीका लागि समर्पित गर्ने बताए। उनले एसीसी प्रिमियर कपभरि नेपालले लिने हरेक विकेट तथा चौका र छक्काका लागि १ हजार ५०० रुपैयाँ बाढी प्रभावित बालबालिकाका लागि शैक्षिक सामग्री उपलब्ध गराउन सहयोग गर्ने प्रतिबद्धता पनि गरे।
एसीसी प्रिमियर कपको समूह चरणमा नेपालले बहराइन, साउदी अरेबिया, मलेसिया र हङकङसँग प्रतिस्पर्धा गर्नेछ।
