काठमाडौं । लक्ष्मी सनराइज म्युचुअल फन्डअन्तर्गत ‘एलएस होराइजन १२’ नाम योजना सञ्चालनमा ल्याइने भएको छ।
यो म्युचुअल फन्ड सञ्चालनमा ल्याउन योजना व्यवस्थापन लक्ष्मी सनराइज क्यापिटलले नेपाल धितोपत्र बोर्डमा निवेदन दिएको छ। धितोपत्र बोर्डले अनुमति दिएमा क्यापिटलले यो म्युचुअल फन्ड सञ्चालनमा ल्याउनेछ।
यसका लागि योजना व्यवस्थापकले एलएस होराइजन १२का इकाइहरुको सर्वाधिक निष्कासन गर्नेछ। जसअनुसार १० रुपैयाँ अंकित दरका कुल १२ करोड इकाइ बिक्री खुला गरिनेछ।
यो कुल १ अर्ब २० करोड रुपैयाँको म्युचुअल फन्ड हो। यो बन्दमुखी योजनाको कोष प्रवर्द्धक लक्ष्मी सनराइज बैंक रहेको छ।
