काठमाडौं । शेयर लगानीकर्ता संघ, नेपाल पूँजी बजार लगानीकर्ता संघ र स्वतन्त्र पूँजी बजार लगानीकर्ता संघले सीडीएसीका नवनियुक्त प्रमुख कार्यकारी अधिकृत प्रविन पन्दाकलाई भटेका छन् । यी ३ वटै संघका प्रतिनिधिहरुले सीडिएसीका नव नियुक्त प्रमुख कार्यकारी अधिकृत प्रविन पन्दाकलाई भेटेर हार्दिक बधाई तथा सफल कार्यकालको शुभकामना व्यक्त गरेका हुन् ।
सोही भेटको क्रममा तीनवटै संघहरूले संयुक्त वक्तव्य जारी गर्दै सीडिएससीको नेतृत्व परिवर्तनबाट लगानीकर्तामैत्री, पारदर्शी र प्रभावकारी प्रणाली निर्माणमा गति आउने विश्वास व्यक्त गरेका छन्। उनीहरूले आगामी दिनमा प्रणालीलाई थप पारदर्शी, सहज र विश्वसनीय बनाउने अपेक्षा समेत गरिएको वक्तव्यमा उल्लेख छ ।
मोबाइल एप, अनलाइन प्रणाली र डिजिटल साक्षरता अभिवृद्धिका माध्यमबाट टाढा रहेका लगानीकर्तालाई सेवा पु¥याउने, आईपीओ आवेदन प्रणालीलाई थप सहज बनाउने, सेटलमेन्ट प्रक्रिया छोट्याउने र गुनासो समाधान गर्ने प्रभावकारी हेल्पडेस्क निर्माण गर्नु अत्यावश्यक रहेको जारी वक्तव्यमा भनिएको छ ।
साथै, सीडिएसी पूँजी बजारमा इलेक्ट्रोनिक रूपमा शेयर कारोबार, डिम्याट खाता व्यवस्थापन, सी–एसबा प्रणाली, शेयर ट्रान्सफर, मर्जर प्रक्रिया, बोनश र लाभांश वितरण लगायत सेवा प्रदान गर्दै आएको संस्था हो। उक्त संस्थाले अब ई–केवाईसी प्रणालीमा आधारित एकीकृत ट्रेडिङ प्रणालीलाई प्रवर्द्धनको भुमिका थप सहज बनेको बताइएको छ।
