काठमाडौं । राष्ट्रपति रामचन्द्र पौडेलले आइतबार ४ वटा विधेयक प्रमाणीकरण गरेका छन्।
राष्ट्रपति पौडेलबाट सुरक्षित कारोबार ऐन, २०६३ लाई संशोधन गर्न बनेको विधेयक, विद्युतीय व्यापार (ई–कमर्स) सम्बन्धी विधेयक, विधायन सम्बन्धमा व्यवस्था गर्न बनेको विधेयक र भ्रष्टाचार निवारण ऐन, २०५९ लाई संशोधन गर्न बनेको विधेयक प्रमाणीकरण भएको हो।
राष्ट्रपति कार्यालयद्वारा जारी विज्ञप्तिमा संघीय संसदको दुवै सदनको बैठकबाट पारित भई आएका विधेयक संविधानको धारा ११३ को उपधारा २ बमोजिम राष्ट्रपति पौडेलबाट प्रमाणीकरण भएको उल्लेख छ।
