काठमाडौं । रिलायन्स स्पिनिङ मिल्सको ७ लाख ७० हजार बढी कित्ता शेयरको लकइन अवधि सकिने भएको छ।
शेयर रजिस्ट्रार ग्लोबल आइएमई क्यापिटलले आज एक सूचना जारी गर्दै रिलायन्स स्पिनिङ मिल्सको ७ लाख ७० हजार ६४० कित्ता शेयरको लकइन अवधि आउँदो भदौ १ गतेबाट सकिने जानकारी गराएको हो। यो शेयर योग्य संस्थागत लगानीकर्ताको हो।
यो कम्पनीको आइपीओ बुक बिल्डिङ विधिअनुसार निष्कासन गरिएको थियो। जसअनुसार योग्य संस्थागत लगानीकर्तालाई बाँडफाँट गरिएको थियो।
त्यसपछि सर्वसाधारणलाई जारी गरिएको आइपीओ नियमानुसार नेप्सेमा सूचीकरण भएको मितिले ६ महिनापछि योग्य संस्थागत लगानीकर्तालाई बाँडफाँट गरिएको शेयरको लकइन अवधि सकिने व्यवस्था रहेको छ।
