काठमाडौं । नेप्सेमा सूचिकृत १५ वटा फाइनान्सहरुमध्ये ३ वटा कम्पनीले मात्रै लभांश घोषणा गरेका छन् । हालसम्म श्री इन्भेष्टमेन्ट फाइनान्स, आइसीएफसी फाइनान्स र मञ्जुश्री फाइनान्स कम्पनीले लाभांश घोषणा गरेका हुन् । यी कम्पनीहरुले गत आर्थिक वर्षको नाफाबाट आफ्ना शेयरधनीहरुलाई वितरण गर्ने लाभांश घोषणा गरेका हुन् ।
श्री इन्भेष्टमेन्ट फाइनान्सले गत आर्थिक वर्षको नाफाबाट आफ्ना शेयरधनीहरुलाई कुल ६ दशमलव ४ प्रतिशत लाभांश वितरण गर्ने घोषणा गरेको छ । कम्पनीले बोनश शेयर नदिई सबै नगद लाभांश वितरण गर्ने भएको छ । कम्पनीले पुस ३० गते आफ्नो वार्षिक साधारण सभा समेत सम्पन्न गरिसकेको छ ।
आइसीएफसी फाइनान्स कम्पनीले गत आर्थिक वर्षको नाफाबाट आफ्ना शेयरधनीहरुलाई कुल १५ दशमलव ७८९५ प्रतिशत लाभांश वितरण गर्ने घोषणा गरेको छ । कम्पनीले बोनश शेयर नदिई सबै नगद लाभांश वितरण गर्ने भएको छ । कम्पनीले मंसिर २९ गते आफ्नो वार्षिक साधारण सभा समेत सम्पन्न गरिसकेको छ ।
मञ्जुश्री फाइनान्स कम्पनीले आफ्ना शेयरधनीहरुलाई कुल १५ प्रतिशत लाभांश वितरण गर्ने घोषणा गरेको छ । कम्पनीले बोनश शेयर नदिई सबै नगद लाभांश वितरण गर्ने भएको छ । कम्पनीले असोज ३१ गते नै आफ्नो वार्षिक साधारण सभा समेत सम्पन्न गरिसकेको छ ।
