काठमाडौं । नेपाल राष्ट्र बैंकले संवेदनशील विवरण तथा कागजपत्र सुरक्षित राख्न सर्वसाधारणलाई आग्रह गरेको छ।
आज वित्तीय सचेतनाका लागि एउटा सूचना जारी गर्दै राष्ट्र बैंकले यस्तो आग्रह गरेको हो। त्यस्ता विवरणको प्रयोगमा उच्च सतर्कता अपनाउन र व्यक्तिगत संवेदनशील विवरण अरुलाई शेअर गर्नुअघि सोच्न पनि केन्द्रीय बैंकले सुझाव दिएको छ।
पासपोर्ट, नागरिकता, राष्ट्रिय परिचयपत्र, लाइसेन्स, परिचयपत्र, क्रेडिट कार्ड, डेबिट कार्डजस्ता आफ्ना निजी तथा संवेदनशील कागजात एवं विवरण जोकोहीलाई फोटो खिचेर पठाउने, सामाजिक सञ्जालमा अपलोड गर्ने, ई–मेल गर्ने, फोटोकपी दिनेजस्ता कार्यले सर्वसाधारणको संवेदनशील तथा व्यक्तिगत सूचना साइबर अपराध र वित्तीय ठगी गर्ने गिरोहसम्म पुग्न सक्ने राष्ट्र बैंकले जनाएको छ।
