काठमाडौं । अमेरिकी राष्ट्रपति डोनाल्ड ट्रम्पले विश्वका सबै देशहरुमा नयाँ पारस्परिक ट्यारिफ लगाउने घोषणा गरेका छन्। सयौँ देश उनको निशानामा छन्। जसमा ट्यारिफ लगाउने घोषणा जुनसुकै बेला हुन सक्छ।
जापान, ब्राजिल, क्यानडाबाट इन्डोनेसिया र दक्षिण अफ्रिकालाई ट्यारिफ पत्र पठाएपछि अब राष्ट्रपति ट्रम्पले १५० भन्दा बढी देशलाई ट्यारिफ पत्र पठाउनेछन्। यो कुरा ट्रम्प आफैँले खुलासा गरेका छन्। आफ्नो व्यापार रणनीतिमा अगाडि बढ्दै अब डोनाल्ड ट्रम्पले चाँडै नै १५० भन्दा बढी देशमा नयाँ ट्यारिफ दर लगाउने बारेमा निर्णय लिन सक्छन्।
ब्लुमबर्गको रिपोर्ट अनुसार ट्रम्पले भनेका छन्, ‘हामी अब विश्वका १५० भन्दा बढी देशलाई ट्यारिफ भुक्तानीको बारेमा जानकारी चाँडै पठाउनेछौँ र तिनीहरुमा लागू हुने नयाँ ट्यारिफ दरहरु अगस्ट १ बाट लागू हुने अपेक्षा गरिएको छ। समयसीमा जुलाई ९ बाट बढाइएको छ।’
यी ट्यारिफ पत्रहरु अमेरिकी व्यापार सर्तहरु पुनः वार्ता गर्ने व्यापक रणनीतिको अंश हुन्। आफ्नो भावी ट्यारिफ योजनाको खुलासा गर्दै ट्रम्पले यो पनि स्पष्ट पारेका छन् कि ट्यारिफ पत्रहरु विचाराधीन रहेका १५० देशमा ट्यारिफ दरहरु १० प्रतिशतबाट १५ प्रतिशतसम्म सेट गर्न सकिन्छ। यद्यपि पत्रकारहरुसँग कुरा गर्दै अमेरिकी राष्ट्रपति ट्रम्पले यो पनि भने, ‘हामीले यसबारे अहिलेसम्म कुनै अन्तिम निर्णय लिएका छैनौँ।’
राष्ट्रपतिले ट्रम्पको नयाँ सूचीमा समावेश गरिएका यी देशहरुलाई ठूला देशहरु भनेका छैनन्। उनका अनुसार यो पहलको उद्देश्य एकरुप ट्यारिफ दरहरु सेट गर्नु हो।
यसैबीच राष्ट्रपति ट्रम्पले युरोपेली संघ (ईयू) सँग सम्भावित व्यापार सम्झौतामा आफ्नो अडान अनिर्णयकारी राखेका छन्। उनले भनेका छन्, ‘हामी सम्भवतः युरोपसँग सम्झौता गर्न सक्छौँ।’
अर्कोतर्फ क्यानडामा लगाइएको ट्यारिफको बारेमा, ट्रम्पले भने, ‘यसको परिणाम के हुनेछ भनेर भन्न धेरै चाँडो हुनेछ।’ –एजेन्सी
