काठमाडौं । नर्थ सिटी मल्टिप्रपोज लिमिटेडले जेठ ११ गते सोमबार प्रथम वार्षिक साधारणसभा गर्ने भएको छ । सभा काठमाडौंको टोखा–१० स्थित कम्पनीको कार्यालयमा दिउँसो ३ बजे आयोजना गर्ने बताएको छ ।
सभाले पूँजी वृद्धि पश्चात कायम हुने जारी पूँजीको २० प्रतिशतले हुन आउने रकम बराबरको प्रारम्भिक सार्वजनिक निष्काशन गर्न नियामक निकायसँग स्वीकृतिका लागि पेश गर्ने प्रस्ताव पारित गर्नेछ । आइपीओ सम्बन्धी सम्पूर्ण कार्यहरू गर्नका लागि सञ्चालक समितिलाई अख्तियारी दिइने प्रस्ताव सभाले पारित गर्नेछ ।
सभाले गत आर्थिक वर्षको वित्तीय विवरणहरू पारित गरी चालू आर्थिक वर्षको लागि लेखापरीक्षक नियुक्ति गर्ने, सञ्चालक समितिको निर्वाचन गर्ने, उच्च पदस्थ कर्मचारीहरूको भत्ता तथा सेवा सुविधा निर्धारण गर्ने र प्रबन्धपत्र तथा नियमावलीमा आवश्यक संशोधन गर्न सञ्चालक समितिलाई अख्तियारी प्रदान गर्ने प्रस्ताव पारित गर्नेछ।
