काठमाडौं । नेपाल आयल निगमले काठमाडौँ जिल्लाका विभिन्न स्थानबाट खाना पकाउने एलपी ग्याँसका सिलिन्डरहरू बिक्री वितरण गर्ने भएको छ।
जिल्ला प्रशासन कार्यालय, काठमाडौँ र नेपाल आयल निगमको समन्वयमा शनिबार साउन ३० गते काठमाडौँका विभिन्न ५ वटा स्थानहरूबाट ग्याँस सहितको सिलिन्डर वितरण गर्न लागिएको हो।
निगमले प्रकाशन गरेको सूचना अनुसार, निगमको टेकु परिसरबाट नेपाल, एचपि, एभरेस्ट,सुगम, श्रीराम, सागर, सिद्धार्थ, श्री र हिमाल ग्याँस वितरण गरिनेछ। यसैगरी यातायात कार्यालय परिसर, चाबहिलबाट नेपाल र एचपि, राधास्वामी, कीर्तिपुर परिसरबाट नेपाल, एचपि, एभरेस्ट,सुगम, श्रीमाया, श्रीकृष्ण, साइबाबा र ओम, राधास्वामी, बसुन्धरा परिसरबाट नेपाल, एचपि, एभरेस्ट,सुगम, भानु र ओम ग्याँस विवरणत गरिने भएको छ। यसबाहेक पुरानो जिल्ला प्रशासन कार्यालय, बबरमहलबाट नेपाल, एचपि, एभरेस्ट,सुगम, श्रीराम, सागर, हिमाल, एसटिसी, लोकप्रिय र सूर्य ब्राण्डका ग्याँस उपलब्ध गराइने भएको छ।
सरकारले प्रभावकारीरूपमा अापूर्ती व्यवस्था मिलाउन नसकेपछि बजारमा खाना पकाउने ग्याँसको अभाव चर्किएको छ।
