काठमाडौं । नेपाली संगीत क्षेत्रमा प्रमोद भण्डारीको शब्द रचना, रोजिना बस्नेत र दिनेश भुजेलको आवाजमा नयाँ गीत ‘संसार सारा’ सार्वजनिक भएको छ। यस गीतको संगीत नवीन कार्कीले तयार गरेका हुन् भने संगीत संयोजन विशाल निरौलाले गरेका हुन् । रञ्जन राईले गीतको मिक्सिङ र मास्टरिङ गरेका छन् ।
गीतमा प्रेम र जीवनका गहिरा भावनाहरूलाई प्रस्तुत गरिएको छ। गीतको भिडियोलाई विक्रम चौहानले निर्देशन गरेका छन् जसमा सुस्मा श्रेष्ठ र दिनेश भुजेलको आकर्षक अभिनय रहेको छ। भिडियोमा जीवनका विभिन्न उतारचढाव र प्रेमका जटिल भावनाहरूलाई अत्यन्तै संवेदनशील र प्रभावकारी तरिकामा प्रस्तुत गरिएको छ।
