काठमाडौं । नेरुडे मिर्मिरे लघुवित्त वित्तीय संस्थाको ६८ हजार बढी कित्ता शेयर बिक्रीमा राखिएको छ।
संस्थाको संस्थापक समूहको ६८ हजार १२८ कित्ता शेयर बिक्रीमा राखिएको हो। हाललाई यो शेयरमा संस्थाका संस्थापक शेयरधनीहरुले मात्र खरिदका लागि निवेदन दिन सक्नेछन्।
निवेदन भक्तपुरको लोकन्थलीस्थित संस्थाको कर्पोरेट कार्यालयमा पेस गर्न सकिनेछ। यसका लागि ३५ दिनको म्याद दिइएको छ।
तोकिएको अवधिभित्र संस्थापक शेयरधनीहरुबाट शेयर खरिदका लागि निवेदन नपरेको खण्डमा अन्य व्यक्ति तथा संस्थाका लागि शेयर बिक्री खुला गरिने संस्थाले जनाएको छ।
