काठमाडौं । आज शेयर बजारमा सामान्य वृिद्ध भएर बन्द भएको छ । आज नेप्से परिसूचक ४ दशमलव ७९ अंकले बढेर २,६६७ को विन्दुमा कायम भएको छ । आज १२२ कम्पनीको शेयर मूल्य बढेको छ भने १४३ कम्पनीको शेयर मूल्य घटेको छ ।
आज दिनभरिमा ३५० कम्पनीको १ करोड ६७ हजार कित्ता शेयर किनबेच हुँदा ४ अर्ब ४० करोड माथिको शेयर कारोबार भएको छ । आज सबैभन्दा धेरै सोलु हाइड्रोपावरको शेयर कारोबार भएको छ । आज यस कम्पनीको ५८ करोड १० लाख रुपैयाँको शेयर कारोबार भएको छ । रिडी पावरको ३४ करोड ८४ लाख रुपैयाँको शेयर कारोबार भएको छ । खानीखोला हाइड्रोको २७ करोड ७७ लाख रुपैयाँको शेयर कारोबार भएको छ ।
आज सबैभन्दा धेरै सोलु हाइड्रोका लगानीकर्ताले कमाएका छन् । आज यस कम्पनीका लगानीकर्ताले १४ दशमलव ९९ प्रतिशतका दरले कमाएका हुन् । शिखर पावरका लगानीकर्ताले ५ दशमलव ९१ प्रतिशतका दरले कमाएका छन् । रिडी पावरका लगाीकर्ताले ५ दशमलव ७९ प्रतिशतका दरले कमाएका छन् ।
आज सबैभन्दा धेरै एभरेष्ट कलरका लगानीकर्ताले गुमाएका छन् । आज यस कम्पनीका लगानीकर्ताले ९ दशमलव ०३ प्रतिशतका दरले गुमाएका हुन् ।
