काठमाडौं । नेपाल स्टक एक्सचेन्ज (नेप्से)मा १ करोड १० लाख बढी कित्ता शेयर थपिएको छ।
नेप्सेमा एनएमबि बैंक, नेको इन्स्योरेन्स र सुपर माई हाइड्रोपावरको १ करोड १० लाख ६० हजार ८१२ कित्ता बोनस शेयर सूचीकृत भएको छ। जसमा एनएमबि बैंकको ९१ लाख ८३ हजार ३५२.९८ कित्ता, नेको इन्स्योरेन्सको ८ लाख ७ हजार ४६० कित्ता र सुपर माई हाइड्रोपावरको १० लाख ७० हजार कित्ता शेयर रहेको छ।
अघिल्लो आर्थिक वर्षका लागि एनएमबि बैंकले ५ प्रतिशत, नेको इन्स्योरेन्सले ३ प्रतिशत र सुपरमाई हाइड्रोपावरले २० प्रतिशत बोनस शेयर लगानीकर्ताहरुलाई वितरण गरेका थिए।
