काठमाडौं । नेपाल वायुसेवा निगम (नेपाल एयरलाइन्स)ले भोल असोज २० गते उद्धार उडान गर्ने भएको छ।
नेपाल एयरलायन्सले ए३२० विमानबाट काठमाडौं–भैरहवा–काठमाडौं उद्धार उडान गर्ने भएको हो। उद्धार उडानमा अशक्त, वृद्धवृद्धा, बिरामी तथा अत्यावश्यक यात्रुलाई विशेष प्राथमिकतामा राखिने कम्पनीले जनाएको छ।
देशमा बाढी र पहिरोका कारण विषम परिस्थितिलाई ध्यानमा राखेर नेपाल र नेपालीको राष्ट्रिय ध्वजावाहकको नाताले तथा नेपाल सरकारको विशेष निर्देशन तथा निगमका कार्यकारी अध्यक्षको सक्रियतामा यो उद्धार उडान गर्न लागिएको कम्पनीले जनाएको छ।
उडानमा यात्रा गर्न चाहने यात्रुले अनलाइन प्रणाली, निगमको कार्यालय वा आधिकारिक एजेन्सीमार्फत आफ्नो सिट सुनिश्चित गर्न पनि एयरलाइन्सले आग्रह गरेको छ।
