काठमाडौं । मेरो माइक्रोफायनान्स लघुवित्त वित्तीय संस्थाले गत आर्थिक वर्ष २०८१।८२ को चौथो त्रैमाससम्मको वित्तीय विवरण सार्वजनिक गरेको छ।
वित्तीय विवरणअनुसार गत आर्थिक वर्षमा संस्थाले २१ करोड ६० लाख रुपैयाँ नाफा आर्जन गरेको छ। अघिल्लो आर्थिक वर्ष २०८०।८१ मा संस्थाले १४ करोड ५७ लाख रुपैयाँ नाफा आर्जन गरेको थियो। अघिल्लो वर्षको तुलनामा संस्थाको नाफा ४८.२९ प्रतिशतले बढेको छ।
समीक्षा वर्षमा संस्थाको सञ्चालन मुनाफा ३३ करोड २ रुपैयाँ भएको छ। अघिल्लो वर्ष सञ्चालन मुनाफा २१ करोड ५१ लाख रुपैयाँ थियो। अघिल्लो वर्षको तुलनामा संस्थाको सञ्चालन मुनाफामा ५३.४८ प्रतिशतले बढेको छ।
गत आर्थिक वर्षमा संस्थाले १ अर्ब ५ करोड ३ लाख रुपैयाँ ब्याज आम्दानी गरेको छ। अघिल्लो वर्ष संस्थाले २ अर्ब १ करोड ३४ लाख रुपैयाँ ब्याज आम्दानी गरेको थियो। ब्याज आम्दानी १.८२ प्रतिशतले घटेको छ।
समीक्षा वर्षमा संस्थाको वितरणयोग्य मुनाफा ११ करोड ३१ लाख रुपैयाँ रहेको छ। योसँगै संस्थाले ७.९७ प्रतिशत लाभांश वितरण गर्न सक्ने क्षमता बनाएको छ।
चुक्तापुँजी १ अर्ब ४१ करोड ९० लाख रुपैयाँ रहेको संस्थाको रेटिन्ड अर्निङ र रिजर्भको आकार बढेर क्रमशः ११ करोड ३१ लाख रुपैयाँ र ७१ करोड १४ लाख रुपैयाँको उचाइमा पुगेको छ। अघिल्लो वर्ष रिटेन्ड अर्निङ १० करोड ७१ लाख रुपैयाँ र रिजर्भमा ६१ करोड ६७ लाख रुपैयाँ थियो।
समीक्षा वर्षमा संस्थाले ८ अर्ब २० करोड ८८ लाख रुपैयाँ सापटी लिएर १५ अर्ब १ करोड ७८ लाख रुपैयाँ कर्जा लगानी गरेको छ। अघिल्लो वर्ष संस्थाले ८ अर्ब ३६ करोड ८३ लाख रुपैयाँ सापटी लिएर १३ अर्ब ७५ करोड ६७ लाख रुपैयाँ कर्जा लगानी गरेको थियो।
समीक्षा वर्षमा संस्थाको खराब कर्जा अनुपात (एनपीएल) बढेर ९.९९ प्रतिशत कायम भएको छ। अघिल्लो वर्ष यही अवधिसम्म पनि संस्थाको एनपीएल ८.२३ प्रतिशत थियो।
संस्थाको वार्षिकीकृत प्रतिशेयर आम्दानी (ईपीएस) बढेर १५.२३ रुपैयाँ कायम भएको छ। अघिल्लो वर्ष ईपीएस ११.०४ रुपैयाँ थियो। पीई रेसियो ५५.५९ गुणा रहेको संस्थाको प्रतिशेयर नेटवर्थ १५८.११ रुपैयाँ रहेको छ।
