काठमाडौं । माण्डु हाइड्रोपावरको विद्युत उत्पादन क्षमता बढेको छ।
माण्डु हाइड्रोपावरले प्रवर्द्धन तथा सञ्चालन गरेको बागमती साना जलविद्युत आयोजनाको विद्युत उत्पादन क्षमता बढेको हो। यसअघि आयोजना विद्युत उत्पादन क्षमता २२ मेगावटा रहेको थियो। त्यसमा १० मेगावाट क्षमता वृद्धि गरी ३२ मेगावाट विद्युत उत्पादन अनुमतिपत्र तथा विद्युत खरिदबिक्री सम्झौता सम्पन्न भएको कम्पनीले जानकारी गराएको छ।
यसका साथै गत वर्ष असोज ११ र १२ गतेको भीषण वर्षाका कारणले आएको बाढी तथा पहिरोले क्षति पुर्याएको यस बागमती साना जलविद्युत आयोजना २२ मेगावाटको पुनर्निर्माण कार्य निकट भविष्यमा सम्पन्न गरी सञ्चालन ल्याइने पनि कम्पनीले प्रस्ट पारेको छ।
