काठमाडौं । एलजी नेपालले आइसिसी टी–२० विश्वकप यात्राको पहिलो चरणको विजेता घोषणा गरेको छ । कम्पनीले फेब्रुअरी ७ देखि भारत र श्रीलंकामा हुन लागिरहेको विश्वकप क्रिकेटलक्षित योजनाको विजेता घोषणा गरेको हो ।
विश्वस्तरीय अन्तर्राष्ट्रिय क्रिकेटको रोमाञ्चकलाई एकसाथ जोड्न कम्पनीले २९ मंसिरदेखि यो अभियान सुरु गरेको थियो । पहिलो चरणमा कम्पनीले देशभरबाट चारजना भाग्यशाली विजेता छनोट गरेको छ ।
विजेता बन्नेमा काठमाडौं, इमाडोलका उसन प्रधांगन, बुटवलका शिव आचार्य, नैकापका प्रवास ढुंगाना र पोखराका विनोद सापकोटा रहेका छन् । कम्पनीका अनुसार विजेताले वानखेड स्टडियम मुम्बईमा हुने नेपालको कुनै एउटा खेल प्रत्यक्ष हेर्न पाउनेछन्, जसमा चार रात पाँच दिनको प्याकेज रहेको छ ।
यसको सबै खर्च कम्पनीले व्यहोर्ने जनाएको छ । साथै, कम्पनीले अझै पनि एलजीका सामान खरिद गरी विजेता बन्न सकिने जनाएको छ ।
