काठमाडौं । इरानी विदेशमन्त्री अब्बास अराघचीले मंगलबार बिहान स्थानीय समय बिहान ४ बजे इरान र इजरायलबीच यूद्ध विराम शुरू भएको पुष्टी गरेका छन् ।
इरान इन्टरनेशनल न्युजका अनुसार, उनले युद्धविराम शब्दलाई बेवास्ता गरे पनि, तेहरानले सैन्य कारबाही बन्द गर्ने बताएका छन्।
उनले सामाजिक सञ्जाल एक्स मा लेखेका छन्, “सबै इरानीहरूसँग मिलेर, म हाम्रा बहादुर सशस्त्र बलहरूलाई धन्यवाद दिन्छु, जो आफ्नो रगतको अन्तिम थोपासम्म हाम्रो प्रिय देशको रक्षा गर्न तयार रहन्छन् र जसले अन्तिम क्षणसम्म शत्रुको हरेक आक्रमणको जवाफ दिन्छन्” ।
इजरायलले सोमबार अबेरदेखि स्थानीय समय अनुसार मंगलबार बिहानसम्म इरानको राजधानीमा भारी आक्रमणहरूको श्रृंखलाबद्ध प्रदर्शन गर्यो।
विदेशमन्त्री अराघचीले एक्सा मा लेखेका छन्, “इरानले बारम्बार स्पष्ट पारेको छ: इजरायलले इरानमाथि युद्ध सुरु गर्यो, उल्टो होइन,” ।
“अहिलेसम्म, कुनै पनि युद्धविराम वा सैन्य कारबाही बन्द गर्ने बारेमा कुनै “सहमति” छैन। यद्यपि, यदि इजरायली शासनले तेहरान समय बिहान ४ बजे भन्दा ढिलो इरानी जनता विरुद्धको आफ्नो गैरकानूनी आक्रमण रोक्छ भने, पछि हाम्रो जवाफी हमला जारी राख्ने हाम्रो कुनै इरादा छैन,” उनले जोड दिए।
मेहर न्यूज एजेन्सीका अनुसार, विदेशमन्त्री अराघचीले टिप्पणीको निष्कर्षमा भनेका छन् , “हाम्रो सैन्य कारबाही बन्द गर्ने अन्तिम निर्णय पछि गरिनेछ।”
