अदृश्य कारले ठोकेको दाबीदेखि श्रीमतीको अनुहारमा ट्रकको सिसा फोडेको घटनाहरुमा बीमा कम्पनीका एजेन्टहरु पनि हाँस्न बाध्य हुन्छन्
काठमाडौं । हामी सबैलाई थाहा छ, जीवनमा कहिले के हुन्छ भन्ने कसैले भन्न सक्दैन। तर, जब त्यो अकल्पनीय दुर्घटना हुन्छ र त्यसको बिल कसले तिर्ने ? तपाइँले बीमा गर्नुभएको छ भने कम्पनीले तिर्ला। तर, यदि दुर्घटनाको कथा नै यति अनौठो छ कि सुन्नेबित्तिकै हाँसो छुट्छ सक्छ।
बीमाको संसारमा हरेक वर्ष यस्ता केही दाबी आउँछन्, जुन सुन्दा र पढ्दा लाग्छ कि त दाबीकर्ताले रमाइलो गर्दैछन् कि उनीहरुले कल्पनाको कुनै नयाँ दुनियाँबाट आएर दाबी गरेका हुन्। तल यस्तै अनौठा र चाखलाग्दा घटनाहरुको वर्णन गरिएको छ। जसले बीमाको व्यावसायिक जीवनमा पनि ’मसला’ थप्छन्।
‘र्याले’को हाइवे घटनाः खसेको ढुंगाको बिल कसले तिर्छ ?
अक्टोबर २७, २०२२ को कुरा हो। संयुक्त राज्य अमेरिकाको नर्थ क्यारोलाइनास्थित र्याले सहरको व्यस्त हाइवेमा एक चालक शान्तसँग आफ्नो गन्तव्यतर्फ जाँदै थिए। अचानक नजिकै गुडिरहेको एउटा निर्माण सामग्री बोकेको ट्रकबाट एउटा ढुंगा वा फोहोर खसेको आयो र सिधा उनको गाडीको अगाडिको सिसा फुटाइदियो !
यो सामान्य लाग्ने घटनाले बीमा जगतमा एउटा गम्भीर प्रश्न उठायो। मालसामान राम्ररी नबाँधेको ट्रकको लापरबाहीले अर्को गाडीमा क्षति पुग्दा त्यसको क्षतिपूर्ति कसले भर्ने ? यो घटना स्थानीय समाचारको हेडलाइन बन्यो र यसले ट्रक चालकको सामान सुरक्षित राख्ने दायित्व र सडकमा सुरक्षाको बहसलाई ततायो। लामो अनुसन्धानपछि बीमा प्रक्रियाले सिसा मर्मतको लागतमात्र नभएर बरु सडक सुरक्षाका नियम र ट्रक सञ्चालकहरुको कर्तव्यसम्बन्धी कानुनी प्रश्नहरुको पनि सम्बोधन गर्नुपर्यो।
जब बीमा एजेन्टहरु हाँसेर बेहोस हुन्छन्
विश्वभरका बीमा कम्पनीहरुले हरेक वर्ष संकलन गर्ने ‘अनौठा दाबीहरु’ को सूचीमा यो ¥याले घटना जत्तिकै गम्भीर तर हाँसो उठ्ने दाबीहरु पनि प्रशस्तै हुन्छन्।
अदृश्य कारको दाबीः एक दाबीकर्ताले रिपोर्ट गरे ‘मेरो गाडीलाई अदृश्य कारले ठोक्यो र त्यसपछि त्यो गाडी गायब भयो ।’ समय र स्थानको सही विवरण नभए पनि यस्ता कथाले एजेन्टहरुलाई वर्षैभरि चकित र मनोरञ्जन दिइरहन्छन्।
श्रीमतीको अनुहारमा सिसाः अर्को अविश्वसनीय दाबीको विवरण यस्तो थियो, ‘एक ट्रकले पछाडिबाट आएर मेरो गाडीको अगाडिको सिसा फोरेर सिधै मेरी श्रीमतीको अनुहारमा गयो।’ यो दुर्घटनाको अनौठो र हास्यास्पद वर्णनले प्रहरी रिपोर्ट र गहिरो अनुसन्धानको माग गर्छ।
बाँदरको बदलाः कतिपय बीमितले बिदाको समयमा अनौठा पशु–जनावरहरुसँगको जम्काभेट (जस्तैः रुखमाथिबाट हाम फालेको बाँदर वा गाडीमाथि सुतेको गाई) र रहस्यमय सवारीसाधनसँगको ठोक्काइसम्बन्धी विलक्षण घटनाहरु सुनाउँछन्।
यी अनौठा दाबीहरुको महत्व के हो ?
यी अविश्वसनीय, हास्यास्पद र रमाइला बीमा दाबीहरुले सडकमा जीवन कति अप्रत्याशित छ भन्ने कुरालाई जोड दिन्छन्। यी कथाहरुले हामीलाई तीन महत्त्वपूर्ण कुरा सिकाउँछन्।
विस्तृत अभिलेखीकरणको आवश्यकताः दुर्घटना जति अनौठो हुन्छ, त्यसको प्रमाण (पुलिस रिपोर्ट, फोटो र स्पष्ट विवरण) त्यति नै महत्त्वपूर्ण हुन्छ। अदृश्य कारले ठोकेको दाबीमा पनि त्यसको सत्यता प्रमाणित गर्न विस्तृत अभिलेखले सहयोग गर्छ।
जोखिम सचेतनाः नर्थ क्यारोलाइनाको ट्रक घटनाले हामी सबैको दायित्वलाई देखाउँछ चाहे सामान बोक्ने ट्रक चालक होस् वा सडकमा यात्रा गर्ने साधारण यात्रु, सडकलाई सुरक्षित राख्नु सबैको कर्तव्य हो।
बीमाको मानवीय पक्षः नियम, कानुन र सम्झौताको यो संसारमा पनि यस्ता अनौठा र मानवीय कथाहरुले बीमालाई केवल एउटा वित्तीय कागजातमात्र नबनाएर हाम्रो दैनिक जीवनसँग जोड्ने माध्यम बनाउँछन्।
बीमाका यी रमाइला दाबीहरुले सडकमा हुने जोखिमको मानवीय र अप्रत्याशित पक्ष देखाए। यी कथाहरुले तपाइँलाई मनोरञ्जन दिए होलान्। तर, हरेक अनौठो दाबी हाँसोको पात्र मात्र हुँदैन। कतिपय अवस्थामा यस्तै विलक्षण कथाहरुले ठूलो बीमा जालसाजीका रुप लिन्छन्, जसले कम्पनीहरुलाई करोडौँको क्षति पुर्याउँछन्।
