काठमाडौं । भारत–पाकिस्तान तनावबीच इन्डियन आयल कर्पोरेसनले शुक्रबार पर्याप्त इन्धन भण्डारण रहेको जनाएको छ।
देशभर पर्याप्त इन्धन भण्डारण रहेको सर्वसाधारण आत्तिहाल्नुपर्ने अवस्था नरहेको कर्पोरेसनले स्पष्ट पारेको हो। कर्पोरेसनको एक्स अकाउन्टमा पोस्ट गरिएको छ, ‘हामीसँग देशभर पर्याप्त इन्धनको भण्डारण छ। हाम्रो आपूर्ति लाइन बिना कुनै समस्या राम्ररी चलिरहेको छ।’
सर्वसाधारणले आत्तिएर इन्धन किनेर राख्नुपर्ने आवश्यक नरहेको कर्पोरेसनले स्पष्ट पारेको छ। ‘हाम्रो सबै आउटलेटमा इन्धन र एलपीजी सहजै उपलब्ध छ’, कर्पोरेसनले भनेको छ, ‘हामी ग्राहकलाई शान्त रहन र अनावश्यक भीड नगर्न अपिल गर्छौं।’ –एजेन्सी
