काठमाडौं । नेप्से परिसूचक आइतबार २६४९.५२ विन्दुमा झरेर बन्द भएको छ। यस दिन परिसूचक २६.५१ अंकले घटेको हो।
बजारमा ७ अर्ब ८ करोड रुपैयाँको कारोबार भएको दिन ब्रोकर नम्बर ५८ बाट सर्वाधिक रकमको कारोबार भएको छ। यो ब्रोकरबाट १ अर्ब २० करोड ४१ लाख रुपैयाँको कारोबार भएको छ। जसमा ६५ करोड १ लाख रुपैयाँको खरिद भएको छ भने ५५ करोड ४० लाख रुपैयाँको बिक्री छ।
त्यस्तै दोस्रोमा ब्रोकर नम्बर ४८ बाट २२ करोड २८ लाख रुपैयाँको खरिद र ३८ करोड ४९ लाख रुपैयाँको बिक्री छ।
आज कारोबार गर्ने शीर्ष ५ ब्रोकरमध्ये ३ ब्रोकरले खरिद धेरै गरेका छन् भने २ ब्रोकरले बिक्री धेरै गरेका छन्।
