काठमाडौं । ह्वाट्सएप विश्वव्यापी रुपमा एउटा लोकप्रिय इन्स्ट्यान्ट मेसेजिङ प्लेटफर्म हो। यसले धेरै फिचर प्रदान गर्दछ। सुरुमा यो म्यासेज प्लेटफर्मका रुपमा आएको थियो। तर, अब यसले भ्वाइस र भिडियो कलिङ पनि प्रदान गर्दछ।
धेरै मानिस अहिले आफ्नो दैनिक जीवनमा ह्वाट्सएप कलहरु प्रयोग गरिरहेका छन्। फलस्वरुप तिनीहरु प्रायः कसैको कल रेकर्ड गर्न चाहन्छन् भने के गर्ने भनेर सोच्छन्।
ह्वाट्सएपमा इन–बिल्टन कल रेकर्डिङ फिचर नभएकोले धेरै मानिसले थर्ड–पार्टी एपहरु प्रयोग गर्छन्। थर्ड–पार्टी एपहरु प्रयोग गर्नु जोखिमपूर्ण हुन सक्छ।
कुनै पनि ह्वाट्सएप कल रेकर्ड गर्ने एउटा सजिलो तरिका स्क्रिन रेकर्डिङमार्फत हो। तपाइँले आफ्नो फोनमा स्क्रिन रेकर्डिङ अन गर्न आवश्यक छ। यसो गर्नाले तपाइँको फोनको स्क्रिन साथै तपाइँको ह्वाट्सएप कल रेकर्ड हुनेछ।
स्क्रिन रेकर्डिङ अन गर्न तपाइँले केही चरणहरु पालना गर्न आवश्यक छ। एन्ड्रोइड प्रयोगकर्ताले क्विक सेटिङहरुमार्फत यो गर्न सक्छन्। उनीहरुले क्विक सेटिङहरु प्यानल खोल्न आवश्यक हुनेछ। त्यसपछि स्क्रिन रेकर्डिङ अप्सन खोल्नुपर्छ।
यो फिचरको नाम फरक–फरक फोनहरुमा फरक–फरक हुन सक्छ। कल रेकर्डिङका लागि यो फिचर प्रयोग गर्दा तपाइँले स्पिकरमा कल राख्दा राम्रो परिणाम पाउनुहुनेछ। ध्यान राख्नुहोस् कि यो ट्रिक एन्ड्रोइड फोनहरुमा मात्र काम गर्छ।
यदि तपाइँ एप्पल प्रयोगकर्ता हुनुहुन्छ भने यो ट्रिकले काम गर्दैन। ह्वाट्सएप कलहरुमा स्क्रिन रेकर्डिङ अन हुनेछ तर अडियो रेकर्ड हुने छैन।
