काठमाडौं । दुई लघुवित्त वित्तीय संस्थाले आफ्नो शेयर संरचना परिमार्जन गरेका छन्।
नेप्सेमा सूचीकृत सूर्योदय वोमी लघुवित्त र कालिका लघुवित्तले आफ्नो शेयर संरचना परिमार्जन गरेका हुन्। शेयर संरचना परिमार्जन गर्दै सूर्योदय वोमी लघुवित्तले संस्थापक समूहको ६७.२९ प्रतिशत र सर्वसाधारणको ३२.७१ प्रतिशत कायम गरेको छ। यसका लागि संस्थाले २ लाख ९९ हजार ९२३.२५ कित्ता संस्थापक शेयर सर्वसाधारणमा परिणत गरेको छ।
यसैगरी कालिका लघुवित्तले शेयर संरचना परिमार्जन गर्दै ५४.५२ प्रतिशत संस्थापक शेयर र ४५.४८ प्रतिशत सर्वसाधारण शेयर कायम गरेको छ। यसका लागि संस्थाले ४ लाख ७ हजार ६९२.३० कित्ता संस्थापक शेयर सर्वसाधारणमा परिणत गरेको छ।
