काठमाडौं । होटल पार्क ल्यान्डले आफ्ना शेयरधनीहरुलाई यही भदौ १५ गतेबाट हकप्रद शेयर बिक्री खुला गर्ने भएको छ।
होटलले हाल कायम शेयरधनीहरुका लागि चुक्तापुँजीको १ः१ अनुपातमा अर्थात १०० प्रतिशत हकप्रद शेयर बिक्री खुला गर्ने भएको हो। जसअनुसार होटलले १०० रुपैयाँ अंकित दरका कुल ६० लाख कित्ता शेयर बिक्री गर्नेछ।
यो हकप्रद शेयरमा आउँदो असोज ५ गतेसम्म आवेदन दिन सकिनेछ। शेयरधनीहरुले चितवनको रत्ननगर नगरपालिका–६ स्थित होटलको रजिस्टर्ड कार्यालय, काठमाडौंको सुन्धारास्थित सीटीसी मलमा रहेको कर्पोरेट कार्यालय र ललितपुरको पाटनस्थित प्रयागपोखरीमा रहेको गणेश सहकारी भवनमा गएर आवेदन दिन सक्नेछन्।
