काठमाडौं । गुह्येश्वरी मर्चेन्ट बैंकिङ फाइनान्सले २६ करोड रुपैयाँबराबरको ऋणपत्र ल्याउने प्रक्रिया अगाडि बढाएको छ। यसका लागि कम्पनीले नेपाल धितोपत्र बोड (सेबोन)सँग अनुमति माग्दै निवेदन दिएको छ।
धितोपत्र बोर्डले अनुमति दिएमा यो कम्पनीले ‘गुह्येश्वरी डिबेन्चर–२०८९’ जारी गर्नेछ। जसअनुसार कम्पनीले १ हजार रुपैयाँ अंकित दरका कुल २ लाख ६० हजार इकाइ ऋणपत्र बिक्री गर्नेछ।
कुल इकाइमध्ये कम्पनीले १ लाख ५६ हजार इकाइ ऋणपत्र व्यक्तिगत तबरबाट बिक्री गर्नेछ। बाँकी १ लाख ४ हजार इकाइ ऋणपत्रको भने सार्वजनिक निष्कासन गरिनेछ।
कम्पनीको यो ८ वर्षे ऋणपत्र हो। यसमा लगानीकर्ताले वार्षिक ९ प्रतिशत ब्याज पाउनेछन्।
गुहेश्वरी मर्चेन्ट बैंकिङको ऋणपत्र बिक्री प्रबन्धकमा एनआईएमबी एस क्यापिटल रहेको छ।
