काठमाडौं । नेपाली बजारमा आज सुन चाँदीको मूल्य घटेको छ । नेपाल सुनचाँदी व्यवसायी महासंघका अनुसार आज चैत ४ गते सुनको मूल्य तोलामा २२ सय रुपैयाँले घटेको हो ।
यससँगै आज सुनको मूल्य तोलामा ३ लाख ७ हजार ७ सय रुपैयाँ पुगेको छ । हिजो सुन प्रतितोला ३ लाख ९ हजार ९ सय रुपैयाँमा किनबेच भएको थियो ।
यसैगरी, आज चाँदीको मूल्य पनि घटेको छ । आज चाँदी तोलामा १८५ रुपैयाँले घटेको हो । यससँगै आज चाँदी तोलामा ५ हजार १५० रुपैयाँमा कारोबार भइरहेको छ । हिजो चाँदी तोलामा ५ हजार ३३५ रुपैयाँमा कारोबार भएको थियो ।
