काठमाडौं । घोराही सिमेन्ट इन्डस्ट्रीले हकप्रद शेयर ल्याउने प्रक्रिया अगाडि बढाएको छ।
यो कम्पनीले नेपाल धितोपत्र बोर्डमा निवेदन दिँदै हकप्रद शेयर ल्याउन अनुमति मागेको हो। धितोपत्र बोर्डले अनुमति दिएमा कम्पनीले हाल कायम चुक्तापुँजीको १ः०.७५ अर्थात ७५ प्रतिशत हकप्रद शेयर जारी गर्नेछ।
कम्पनीले ३ अर्ब ७६ करोड ८३ लाख ४० हजार ७०३ रुपैयाँबराबरको हकप्रद शेयर जारी गर्न अनुमति मागेको छ। जसअनुसार कम्पनीले आफ्ना शेयरधनीहरुलाई १०० रुपैयाँ अंकित दरका कुल ३ करोड ७६ लाख ८३ हजार ४०७.०३ कित्ता आइपीओ बिक्री खुला गर्नेछ।
कम्पनीको हकप्रद शेयर बिक्री प्रबन्धकमा हिमालयन क्यापिटल रहेको छ।
