काठमाडौं । अमेरिकी राष्ट्रपति डोनाल्ड ट्रम्पले इरानमाथि हालै भएको आक्रमणलाई हिरोशिमा र नागासाकीमा खसालेको आणविक बमसँग गरेको तुलनालाई जापानले विरोध गरेको छ।
ट्रम्पले बुधबार पत्रकारलाई भनेका थिए, ‘त्यो (इरानको आणविक स्थलमा अमेरिकी आक्रमण)ले युद्ध समाप्त गर्यो। म हिरोशिमा र नागासाकीको उदाहरण दिन चाहन्न, तर यो मूलतः उस्तै थियो।’
सनु १९४५ अगस्टमा अमेरिकाले जापानका दुई दक्षिणी सहरमा आणविक बम खसालेको बेला लगभग १ लाख ४० हजार मानिस मारिएका थिए। यस आक्रमणबाट बाँचेकाहरु अझै पनि मनोवैज्ञानिक आघात र क्यान्सरको बढ्दो जोखिमसँग बाँचिरहेका छन्।
नागासाकीका मेयर शिरो सुजुकीले भने, ‘यदि ट्रम्पको टिप्पणीले आणविक बम खसाल्नुलाई जायज ठहराउँछ भने यो हाम्रा लागि अत्यन्तै दुःखद छ।’
आणविक बम आक्रमणबाट बाँचेकाहरुले बिहीबार हिरोशिमामा विरोध प्रदर्शन गरे र ट्रम्पलाई आफ्नो बयान फिर्ता लिन माग गरेका छन्। – एजेन्सी
