काठमाडौं । अमेरिकी राष्ट्रपति डोनाल्ड ट्रम्पले हार्वर्ड विश्वविद्यालयबाट १ अर्ब डलर क्षतिपूर्ति माग्ने घोषणा गरेका छन्। यो विषय ट्रम्प प्रशासन र हार्वर्डबीचको चलिरहेको द्वन्द्वको अंश हो।
न्युयोर्क टाइम्सले विश्वविद्यालयसँगको वार्ताका क्रममा ट्रम्प प्रशासनले आफ्नो २० करोड डलरको मागबाट पछि हट्नु परेको रिपोर्ट गरेपछि यो समाचार आएको हो। ट्रम्पले सोमबार राति ट्रुथ सोसलमा प्रकाशित एउटा पोस्टमा यो रिपोर्ट उद्धृत गर्दै हार्वर्ड विश्वविद्यालयले न्यूयोर्क टाइम्सलाई ‘धेरै बकवास खुवाएको’ आरोप लगाएका छन्।
ट्रम्प प्रशासनका अधिकारीहरुले हार्वर्डलाई प्यालेस्टिनी समर्थक विरोध प्रदर्शनका क्रममा यहुदी विरोधी घटनाहरुलाई सम्बोधन गर्न पर्याप्त कदम चालेको आरोप लगाएका छन्। विश्वविद्यालयले यी आरोपलाई अस्वीकार गरेको छ।
गत वर्षको अप्रिलमा ट्रम्पले हार्वर्डलाई लगभग २ अर्ब डलरको अनुसन्धान अनुदान रद्द गर्दै संघीय कोष निलम्बन गरेका थिए। –एजेन्सी
