काठमाडौं । अमेरिकी राष्ट्रपति डोनाल्ड ट्रम्पले भारतले इरानको सट्टा भेनेजुएलासँग तेल खरिद गर्ने सम्झौता गरेको दाबी गरेका छन्।
भेनेजुएलाका पूर्वराष्ट्रपति मादुरोलाई सत्ताबाट हटाएपछि अमेरिकाले भेनेजुएलाको तेल उद्योगमा आफ्नो नियन्त्रण कायम गर्ने योजना बनाइरहेको छ। राष्ट्रपति ट्रम्पले भेनेजुएला अब अमेरिकालाई ठूलो मात्रामा तेल दिन तयार रहेको घोषणा पनि गरिसकेका छन्।
एयरफोर्स वानमा पत्रकारसँगको कुराकानीका क्रममा भारतले भेनेजुएलाको तेल किन्ने दाबी गरेका हुन्। ‘भेनेजुएलाको तेल चीनले किन्छ कि किन्दै मलाई थाहा छैन’, उनले भने, ‘भेनेजुएलाको तेल किन्न म चीनलाई स्वागत गर्छु। यो ठूलो सम्झौता हुनेछ।’
राष्ट्रपति ट्रम्पले तेल सम्झौताका विषयमा दाबी गरिरहँदा भारतले भने कुनै प्रक्रिया सार्वजनिक गरेको छैन।
