काठमाडौं । शेयर बजार मंगलबार एकल अंकले बढेको छ। नेप्से परिसूचक ६.११ अंकले बढेर २५७६.२९ को विन्दुमा बन्द भएको हो।
बजार बढ्दा नेप्से उपसमूहमा रहेका १२ वटा समूह बढेका छन् भने एउटा समूह घटेको छ। यो दिन व्यापार समूह सर्वाधिक १.४७ प्रतिशतले बढ्दा उत्पादन तथा प्रशोधन समूह ०.१८ प्रतिशतले घटेको छ।
यो दिन बजारमा १६४ कम्पनीको शेयरभाउ बढेको छ भने १०१ कम्पनीको घटेको छ। आज १० कम्पनीको शेयरभाउ स्थिर रहेको छ।
बजारमा आज ८ अर्ब ४१ करोड रुपैयाँको कारोबार भएको छ। सर्वाधिक १० टर्नओभरमा ९ वटा डिबेन्चर छन् भने एउटा शेयर रहेको छ।
