काठमाडौं । आज सम्पन्न प्रतिनिधिसभा सदस्यको निर्वाचनअन्तर्गत काठमाडौंका सबै १० वटा क्षेत्रको मतगणना आजै सुरु गर्ने तयार भइरहेको छ।
काठमाडौं मुख्य निर्वाचन अधिकृत चुरामन खड्काका अनुसार अबको करिब २ घन्टामै सबै मतपेटिका सम्बन्धित निर्वाचन अधिकृतको कार्यालयमा संकलन गरिनेछ। ‘त्यसपछि गणना प्रक्रिया प्रारम्भ गर्ने तयारी भइरहेको छ’, उनले भने।
खड्काका अनुसार अपराह्न ५ बजेसम्म सबै केन्द्रमा शान्तिपूर्ण रुपमा मतदान सम्पन्न भइसकेको छ। ‘करिब ६०–६५ प्रतिशत मत खसेको प्रारम्भिक अनुमान छ’, उनले भने, ‘खसेको मतको यकीन हुन केही समय लाग्छ।’
