काठमाडौं । छिमेकी मुुलुक चीनले नेपालको पछिल्लो घटनाक्रम र पूर्वप्रधानन्यायाधीश सुशीला कार्की अन्तरिम सरकारको प्रधानमन्त्रीमा नियुक्त भएको विषयमा आफ्नो धारणा सार्वजनिक गरेको छ।
चिनियाँ विदेशी मन्त्रालयले चीनले सधैँ जस्तै नेपाली जनताले स्वतन्त्र रुपमा रोजेको विकास मार्गको सम्मान गर्ने जनाएको छ। ‘चीन र नेपालबीच लामो समयदेखिको सम्मानित मित्रता छ’, चीनले भनेको छ, ‘हामी शान्तिपूर्ण सहअस्तित्वका ५ सिद्धान्तलाई प्रवर्द्धन गर्न, विभिन्न क्षेत्रमा आदानप्रदान र सहयोग बढाउन र द्विपक्षीय सम्बन्धलाई अझ अगाडि बढाउन नेपालसँग काम गर्न तयार छौँ।’
अन्तरिम सरकारको प्रधानमन्त्रीमा नियुक्त कार्कीलाई चीनले बधाइ पनि दिएको छ।
