काठमाडौं । अन्तर्राष्ट्रिय बीमा दलाल कम्पनी, युनाइटेड इन्स्योरेन्स ब्रोकर इन्टरनेशनलले भारतीय बजारमा १५ वर्ष लामो यात्रा टुङ्ग्याउँदै बाहिरिने निर्णय गरेको छ।
कम्पनीले युनाइटेड इन्स्योरेन्स ब्रोकर्स (इण्डिया) मा रहेको आफ्नो अल्पसंख्यक शेयर होल्डिङ समारा क्यापिटल सम्बद्ध एडमी सर्भिसेजलाई बिक्री गर्ने घोषणा गरेको छ। समारा क्यापिटल एक अग्रणी भारतीय निजी इक्विटी फर्म हो।
द बिजनेश स्टाण्डर्डका अनुसार, बहुसंख्यक शेयरधनी इण्डोरामा एसपिएल समूह र लुकास एण्ड मायो समूहसँगको साझेदारीमा गरिएको यो लेनदेनले रणनीतिक समीक्षा र बिक्री प्रकृयाको सफल निष्कर्षलाई नतिजा दिएको छ।
युआइबी इण्डिया सन् २०११ मा स्थापित भएको थियो । यो कम्पनी भारतीय बीमा दलाल सेवा क्षेत्रमा एक प्रतिष्ठित कम्पनीको रूपमा बढेको छ। समारा क्यापिटल, यसको एडमी प्लेटफर्म मार्फत, भारतको बीमा क्षेत्रमा आफ्नो उपस्थिति सकृयरूपमा विस्तार गरिरहेको छ।
शेयर स्वामित्व अधिग्रहणबाहेक, एडमीले ग्राहक सेवाको निरन्तरता सुनिश्चित गर्दै युआइबी इण्डियाको मुख्य टोलीलाई निरन्तरता दिने भएको छ।
