काठमाडौं । नेपाल स्टक एक्सचेन्ज (नेप्से)ले बुक बिल्डिङ विधिमा सहभागी हुनका लागि योग्य संस्थागत लगानीकर्तालाई दर्ता तथा नवीकरण गर्न आउन आउन आग्रह गरेको छ।
नेप्से आज एक सूचना प्रकाशित गरी नेपाल धितोपत्र बोर्डबाट अनुमति प्राप्त योग्य संस्थागत लगानीकर्तालाई दर्ता गर्न तथा नवीकरण गर्न आउन आग्रह गरेको हो। नयाँ योग्य संस्थागत लगानीकर्तालाई दर्ता हुन र पहिले नै दर्ता भइसकेकालाई नवीकरण गर्न आउन डाकिएको नेप्सेले जनाएको छ।
नेप्सेका अनुसार नयाँ दर्ताका लागि वार्षिक १० हजार रुपैयाँ शुल्क बुझाउनुपर्छ भने नवीकरणक लागि वार्षिक ५ हजार रुपैयाँ शुल्क तिर्नुपर्ने हुन्छ। यसका लागि नेप्सेले तोकेको बैंक खातामा रकम जम्मा गरी बैंक भौचर पठाउनुपर्ने हुन्छ।
qii
