काठमाडौं । बिल गेट्स विश्वका अग्रणी उद्यमी र परोपकारीहरुमध्ये एक हुन्। उनले सन् १९७५ मा आफ्नो बाल्यकालको साथी पल एलेनसँग मिलेर माइक्रोसफ्ट स्थापना गरे। योपछि विश्वको सबैभन्दा ठूलो व्यक्तिगत कम्प्युटर सफ्टवेयर कम्पनी बन्यो।
गेट्सले विन्डोज अपरेटिङ सिस्टममार्फत साधारण मानिसहरुको घरमा कम्प्युटर मात्र नल्याएर व्यक्तिगत कम्प्युटर क्रान्तिको जग पनि बसाले। माइक्रोसफ्टका सीईओ र प्रमुख सफ्टवेयर आर्किटेक्टका रुपमा आफ्नो दशकहरुमा उनले विश्वव्यापी प्रविधि परिदृश्यलाई पूर्ण रुपमा परिवर्तन गरे। उनी धेरै वर्षसम्म विश्वको सबैभन्दा धनी व्यक्ति रहे।
सक्रिय व्यवसायबाट अवकाश लिएपछि बिल गेट्सले आफ्नो ध्यान सामाजिक कल्याण र परोपकारमा केन्द्रित गरे। उनले आफ्नी पूर्वपत्नी मेलिन्डासँग बिल एन्ड मेलिन्डा गेट्स फाउन्डेसन स्थापना गरे।
बिल गेट्सका १० प्रेरणादायी विचार
- सफलता एक खराब शिक्षक हो। स्मार्ट मानिसहरुलाई कहिल्यै हराउन नसक्ने सोचमा मूर्ख बनाइन्छ।
- मी सबैलाई प्रतिक्रिया दिने मानिसहरु चाहिन्छ। हामी यसरी नै सुधार गर्छौं।
- धैर्य सफलताको एउटा प्रमुख घटक हो।
- संसार झन् खराब हुँदै गइरहेको छ वा हामी चरम गरिबी र रोग हटाउन सक्दैनौँ भन्ने सोच्नु गलतमात्र होइन हानिकारक पनि हो।
- कहिलेकाहीँ ठूला विजयहरु प्राप्त गर्न ठूला जोखिमहरु आवश्यक हुन्छन्।
- सफलताको उत्सव मनाउनु राम्रो कुरा हो तर असफलताबाट सिकेका पाठहरुमा ध्यान केन्द्रित गर्नु अझ महत्वपूर्ण छ।
- यस संसारमा कसैसँग आफ्नो तुलना नगर्नुहोस्। यदि तपाइँले गर्नुहुन्छ भने तपाइँ आफैंलाई अपमान गर्दै हुनुहुन्छ।
- तपाइँका सबैभन्दा दुखी ग्राहक तपाइँको सिकाइको सबैभन्दा ठूलो स्रोत हुन्।
- तपाइँ जतिसुकै सक्षम भए पनि ध्यान केन्द्रित गरेरमात्र तपाइँ विश्वस्तरीय काम उत्पादन गर्न सक्नुहुन्छ।
- आजको सफलताका लागि निरन्तर पुनर्विचार, पुनः आविष्कार, प्रतिक्रिया र अनुकूलन गर्न चपलता र दृढता आवश्यक छ।
