काठमाडौं । बीमा प्रत्येक व्यक्तिका लागि महत्वपूर्ण छ। जीवन बीमा एउटा वित्तीय सुरक्षा कवच हो। यसले तपाइँको भविष्यमा केही भइहालेमा तपाइँको परिवारलाई आर्थिक सहयोग प्रदान गर्दछ।
त्यसैले सबैले निश्चित रुपमा जीवन बीमा किन्नुपर्छ। अब प्रश्न उठ्छ– जीवन बीमा किन्नका लागि सही उमेर कुन हो ? कुन उमेरमा वा कुन उमेरसम्म यो फाइदाजनक छ ?
प्रायः २० देखि २५ वर्ष उमेरका युवाले जीवन बीमा किन्दैनन्। उनीहरु विश्वास गर्छन् कि यो अहिले आवश्यक छैन। यो उनीहरुको करिअरको सुरुआतमात्र हो। बचत र ऋण तिर्नु अहिले बढी महत्वपूर्ण छ। तर, जीवन बीमा किन्नका लागि उत्तम समय भनेको यसको आवश्यकता कम महसुस हुँदा हो।
कुन उमेरमा जीवन बीमा किन्नु फाइदाजनक छ ?
बीमा कम्पनीहरुले प्रिमियम निर्धारण गर्दा तपाइँको उमेर र स्वास्थ्यलाई प्राथमिकता दिन्छन्। तपाइँ जति जवान र स्वस्थ हुनुहुन्छ, त्यति नै प्रिमियम कम हुन्छ। यदि तपाईंले टर्म प्लान लिनुभयो भने यसको प्रिमियम सम्पूर्ण पोलिसी अवधिका लागि लगभग स्थिर रहन्छ।
उदाहरणका लागि २१ वर्षको उमेरमा यदि तपाइँले २५ लाख रुपैयाँको ३० वर्षे टर्म प्लान लिनुभयो भने वार्षिक ८० हजार रुपैयाँ अर्थात मासिक प्रिमियम लगभग साढे ६ हजार रुपैयाँ हुन सक्छ। अब ३१ वर्षको उमेरमा उही प्रिमियम वार्षिक साढे ८९ हजार रुपैयाँ अर्थात मासिक लगभग साढे ७ हजार रुपैयाँ पुग्न सक्छ। यसको स्पष्ट अर्थ यो हो कि तपाइँको उमेर बढ्दै जाँदा प्रिमियम पनि बढ्दै जान सक्छ। यस्तो अवस्थामा कम प्रिमियम तिर्नका लागि चाँडै बीमा खरिद गर्नु फाइदाजनक हुन सक्छ।
३० वर्षको उमेरसम्ममा तपाइँसँग ऋण, बालबालिकाको शिक्षा र अभिभावकीय खर्चसहित धेरै जिम्मेवारीहरु हुन सक्छन्। यस अवस्थामा उच्च प्रिमियम बोझ हुन सक्छ।
धेरैजसो मानिस २० र ३० को दशकको सुरुमा स्वस्थ हुन्छन्। यस उमेरमा बीमा प्राप्त गर्न सजिलो हुन्छ। चिकित्सा परीक्षणहरु कम जटिल हुन्छन् र अस्वीकृतिको जोखिम कम हुन्छ। उमेर बढ्दै जाँदा रोगहरुको जोखिम बढ्दै जान्छ। जसले गर्दा प्रिमियम महँगो हुन सक्छ।
