काठमाडौं । संयुक्त अरब इमिरेट्स (यूएई) को राष्ट्रिय वायुसेवा कम्पनी इतिहाद एयरवेजले आफ्नो बोइङ ७८७ विमानका पाइलटहरुलाई इन्धन स्विचका बारेमा सावधान रहन आग्रह गरेको छ। यसका लागि पाइलटहरुलाई विशेष निर्देशन दिइएको छ।
एयरलाइन्सले इन्धन नियन्त्रण स्विचहरुले कसरी काम गर्छन् भन्ने बारेमा पनि अनुसन्धान गरिरहेको छ। जुन १२ मा भारतको अहमदाबादमा भएको विमान दुर्घटनाको प्रारम्भिक अनुसन्धान रिपोर्ट बाहिर आएपछि यो सावधानी अपनाइएको हो। रिपोर्टमा दाबी गरिएको छ कि विमानको दुवै इन्धन स्विचहरु उडान भरेपछि तुरुन्तै बन्द गरिएको थियो।
इतिहाद बाहेक दक्षिण कोरियाली सरकारले पनि यस्तै कदम चाल्ने तयारी गरिरहेको छ। दक्षिण कोरियाले बोइङ विमान सञ्चालन गर्ने आफ्ना एयरलाइन्सहरुलाई इन्धन नियन्त्रण स्विच जाँच गर्न आदेश दिने तयारी गरिरहेको छ।
इतिहाद र दक्षिण कोरियाको आफ्ना पाइलटहरुलाई आदेश र इन्धन स्विचको अनुसन्धानको बीचमा अमेरिकी संघीय उड्डयन प्रशासन (एफएए) र बोइङले ७८७ सहित आफ्नो विमानको इन्धन नियन्त्रण स्विचहरु असुरक्षित नरहेको दाबी गरेका छन्।
