आईएमई जनरल इन्स्योरेन्स कम्पनीको ८० प्रतिशत हकप्रद सुरक्षित गर्ने आज बिहिबार अन्तिम दिन रहेको छ । कम्पनीले शेयर निष्काशन प्रयोजनका लागि मंसिर ९ गते बुक क्लोज मिति तोकेको छ ।
कम्पनीको असोज २० गते बसेको साधारणसभाले चुक्ता पूँजीको १०ः८ को अनुपातमा हकप्रद निष्काशन गर्ने निर्णय गरेको थियो । कम्पनीको शेयर विक्री प्रबन्धकको रुपमा ग्लोबल आईएमई क्यापिटल नियुक्त भएको छ ।कम्पनीले आधारभुत शेयरधनीहरु (चुक्ता पूँजीको एक प्रतिशत र सोभन्दा बढी शेयर धारण गर्ने शेयरधनीहरु) ले आफ्नो हकप्रद शेयर बापतको रकम मंसिर २३ गतेभित्र जम्मा गर्नुपर्नेछ ।
कम्पनीको ५४ करोड रुपैयाँ चुक्ता पूँजी छ । हकप्रद निष्कासन पछि कम्पनीको चुक्ता पूँजी ९७ करोड २० लाख पुग्नेछ ।
