काठमाडौं । आईतबार थप ९ सय ८० जना कोरोना संक्रमितहरु थपिएका छन् । स्वास्थ्य तथा जनसङख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा.जागेश्वर गौतमले यस्तो जानकारी दिएका हुन् ।
पछिल्लो २४ घण्टामा देशका विभिन्न भागमा रहेका प्रयोगशालामा गरिएको परीक्षणका क्रममा यी व्यक्तिमा कोरोना पुष्टि भएको हो । यो सँगै नेपालमा कुल कोरोना संक्रमितको सङख्या ४६ हजार २ सय ५७ जना पुगेको हो ।मन्त्रालयका अनुसार देशभरका विभिन्न प्रयोगशालामा गरिएको १० हजार ३८२ नमुना परीक्षणमा २ सय ९० महिला र ६ सय ९० जना पुरुषमा संक्रमण पुष्टि भएको हो ।
