काठमाडौं । बिहिबार थप सात सय ७ जना कोरोना संक्रमितहरु थपिएका छन् । स्वास्थ्य तथा जनसङख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा.जागेश्वर गौतमले यस्तो जानकारी दिएका हुन् ।
पछिल्लो २४ घण्टामा देशका विभिन्न भागमा रहेका प्रयोगशालामा गरिएको परीक्षणका क्रममा यी व्यक्तिमा कोरोना पुष्टि भएको हो । पछिल्लो २४ घण्टामा २ सय ६४ जना निको भएका छन् भने हालसम्म १७ हजार ९६४ जना निको भएका छन्। यो सँगै हालसम्म कोरोना संक्रमितको सङख्यम २९ हजार ६ सय ४५ पुगेको छ ।
