काठमाडौं । हिमालय ऊर्जा विकास कम्पनीले आर्थिक वर्ष २०७६ /७७ को चौथो त्रैमासको वित्तीय विवरण प्रकाशन गरेको छ । कम्पनीले यस अवधिसम्ममा ४२ लाख ९० हजार रुपैयाँ खुद नाफा गरेको छ । अघिल्लो आवमा कम्पनी ६ लाख ६३ हजार नोक्सानमा थियो।
सार मसान्त सम्ममा अन्य स्रोतबाट ६६ लाख ३९ हजार रुपैयाँ आम्दानी गरेको छ । हाइड्रोपावरको खर्च १५ लाख ४ हजार रुपैयाँ खर्च गरेको छ। यस अवधिमा कम्पनीले ५१ लाख ३५ हाजार संचालन नाफा गरेको छ । अघिल्लो वर्ष यसैअवधिमा यसले अन्य स्रोतबाट १९ लाख ५३ हजार रुपैयाँमात्रै आम्दानी गरेको थियो ।
कम्पनीको चुक्ता पुँजी ९९ करोड रुपैयाँ रहेको छ भने जगेडा कोषमा ८५ लाख ३५ हजार रुपैयाँ ऋणात्मक छ । अघिल्लो आर्थिक वर्ष यस्तो कोष १ करोड २८ लाख रुपैयाँ ऋणात्मक रहेको थियो।
यस अवधिसम्ममा कम्पनीको प्रतिशेयर आम्दानी ४३ पैसा कायम छ । अघिल्लो वर्ष यसको प्रतिसेयर आम्दानी ०७ पैसा ऋणात्मक थियो । कम्पनीको प्रतिसेयर नेटवर्थ भने ९९ रुपैयाँ १४ पैसा छ ।
