काठमाडौं । नेपालमा पछिल्लो २४ घण्टामा १ सय १६ जना संक्रमितहरु थपिएका छन् । स्वास्थ्य तथा जनसङख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले यस्तो जानकारी दिएका हुन् ।
पछिल्लो २४ घण्टामा देशका विभिन्न भागमा रहेका प्रयोगशालामा गरिएको परीक्षणका क्रममा यी व्यक्तिमा कोरोना पुष्टि भएको हो । जसमध्ये ६९७ जना संक्रमितहरु कोरोनामुक्त भएका छन् । योसँगै हालसम्म कोरोना संक्रमितहरुको कुल सङख्या १७ हजार १ सय ७७ पुगेको छ ।आज कोरोना संक्रमित थप एकजनाको मृत्यु भएको मन्त्राालयले पुष्टि गरेको छ ।
