थप १८० जनामा देखियो कोरोना, १५ हजार ९६४ पुगे संक्रमित

काठमाडौं । नेपालमा पछिल्लो २४ घण्टामा थप १ सय ८० जना संक्रमितहरु थपिएका छन् । स्वास्थ्य तथा जनसङख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले यस्तो जानकारी दिएका हुन् ।

पछिल्लो २४ घण्टामा देशका विभिन्न भागमा रहेका प्रयोगशालामा गरिएको परीक्षणका क्रममा यी व्यक्तिमा कोरोना पुष्टि भएको हो । योसँगै हालसम्म कोरोना संक्रमितहरुको कुल सङख्या १५ हजार ९६४ पुगेको छ । पछिल्लो २४ घण्टामा २ सय ६४ जना उपचारपछि निको भएका छन् ।