काठमाडौं । नेपाल सरकार र स्विजरल्याण्ड सरकारबीच साना सिंचाई कार्यक्रम कार्यान्वयन गर्न द्विपक्षीय सम्झौतामा हस्ताक्षर भएको छ। स्थानीय तह प्रदेश नं १ सरकारको सहकार्यमा कार्यान्वयन हुने उक्त सम्झौतामा अर्थमन्त्रालयका सह(सचिव श्रीकृष्ण नेपाल र नेपालका लागि स्वीजरल्याण्डका राजदूत एलिजाबेथ भोन क्यापलरले सम्झौतामा हस्ताक्षर गरेका हुन् ।
सम्झौता अनुसार स्विट्जरल्याण्ड सरकारले १७ करोड ६० लाख डलर स्वीस फ्र्याङ्क २ अर्ब २ करोड रुपैयाँ बराबरको रकम सहयोग उपलब्ध गराउने भएको छ । उक्त रकम सानो सिंचाई कार्यक्रमको दोस्रो चरणको कार्यक्रमका लागि खर्च हुने अर्थ मन्त्रालयले जनाएको छ ।
यस कार्यक्रमको कुल बजेट ५ अर्ब ७० करोड अर्थात ४९ करोड ४६ लाख बराबर स्वीस फ्र्याङ्क मध्ये नेपाल सरकारले ८ करोड ८६ लाख स्वीस फ्र्याङ्क अर्थात एक अर्ब २ करोड रुपैयाँ खर्च गर्नेछ ।
त्यस्तै सहभागी स्थानीय तह र प्रदेश नं १ सरकारले उक्त योजनाको कुल बजेटको २० प्रतिशत योगदान गर्ने सम्झौतामा उल्लेख छ। यस्तै सिभिल कार्यहरूको लागि उपभोक्ता समितिहरुको कूल लागतको दशरदश प्रतिशत खर्च हुने बताइएको छ।
